2
ເປີດສູນກູ້ໄພ 1625 ອົງການກາແດງແຫ່ງຊາດລາວ ສາຂາທີ 9 ປະຈຳແຂວງສະຫວັນນະເຂດ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 25 ເດືອນພຶດສະພາ, 2024
ໝວດ: ຂ່າວ

ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ເຂົ້າຮ່ວມພິທີເປີດສູນກູ້ໄພ 1625 ອົງການກາແດງແຫ່ງຊາດລາວ ສາຂາທີ 9 ປະຈຳແຂວງສະຫວັນນະເຂດ, ໃນໄລຍະທີ່ທ່ານ ແລະ ຄະນະໄດ້ລົງເຮັດວຽກຢູ່ 3ແຂວງພາກກາງຄື:  ບໍລິຄຳໄຊ, ຄຳມ່ວນ ແລະ ສະຫວັນນະເຂດ ໃນລະຫວ່າງວັນທີ 21-24 ພຶດສະພາ 2024 ນີ້.

ພ້ອມກັນນັ້ນ ຍັງໄດ້ມອບລົດກູ້ໄພສຸກເສີນຈຳນວນ 1 ຄັນ ລວມມູນຄ່າ 300 ກວ່າລ້ານກີບ ໃຫ້ກັບອົງການກາແດງແຂວງສະຫວັນນະເຂດ ເພື່ອນຳໃຊ້ເຂົ້າໃນວຽກງານກູ້ໄພສຸກເສີນ ພ້ອມທັງ ເປັນການບໍລິການຊ່ວຍເຫຼືອສັງຄົມໃນການຊ່ວຍເຫຼືອຄົນເຈັບ, ທີ່ເກີດຈາກອຸບັດຕິເຫດຕາມທ້ອງຖະໜົນ, ຄົນເຈັບສຸກເສີນ ໃຫ້ວ່ອງໄວ ແລະ ທັນເວລາ ຊຶ່ງໝາຍເລກໂທລະສັບສາຍດ່ວນແມ່ນ 041 1625 ບໍລິການຕະຫຼອດ 24 ຊົ່ວໂມງ.

ສໍາລັບ ການລົງຢ້ຽມຢາມ ແລະ ເຮັດວຽກຂອງທ່ານ ແລະ ຄະນະ ໃນຄັ້ງນີ້ ເພື່ອພົບປະໂອ້ລົມ ແລະ ຊີ້ນຳພະນັກງານຫຼັກແຫຼ່ງ, ພະນັກງານວິຊາການ ແລະ ອາສາສະໝັກ ພ້ອມທັງມອບເຄື່ອງສຸຂະອະນາໄມ, ເຄື່ອງອຸປະໂພກ-ບໍລິໂພກຈຳນວນໜຶ່ງ ລວມມູນຄ່າ 20 ກວ່າລ້ານກີບ ໃຫ້ກັບ 3 ອົງການກາແດງແຂວງ ເພື່ອນຳໃຊ້ເຂົ້າໃນການຊ່ວຍເຫຼືອບັນເທົາທຸກໃຫ້ກັບຄອບຄົວທຸກຍາກ ຂາດເຂີນ ແລະ ອື່ນໆ.

ທີ່ມາ VientianeTimes

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ